Mahsa Amini humbi jetën nga dhuna policore, Ajo u arrestua me arsyetimin se nuk e kishte vendosur siç duhet hixhabin e saj. Ngjarja ka shkaktuar zemërim në shoqërinë civilë, përfaqësuesit e së cilës gjithnjë e më shumë po u kërkojnë grave e vajzave të dalin të pambuluara në publik.
Dëshmitarët okularë thanë se 22-vjeçarja u rrah ndërsa ishte brenda një furgoni policie kur ajo u kap në Teheran të martën. Policia i ka mohuar akuzat, duke thënë se Amini “papritur kishte pësuar një problem me zemrën”.
Vdekja e saj vjen pas raporteve në rritje për akte represive kundër grave, duke përfshirë ato që gjykohen se nuk janë në përputhje me kodin islam të veshjes.
