Pas 11 vitesh transmetim, emisioni The Late Show i moderatorit Stephen Colbert është mbyllur.
Vendimi ka sjellë reagime të shumta, sidomos pas komenteve të Donald Trump, i cili publikoi një video të krijuar me Inteligjencë Artificiale ku tallej me Colbert dhe e “hidhte” në kosh plehrash, ndërsa në sfond dëgjohej kënga YMCA. Videoja u shpërnda në Truth Social dhe më pas nga llogaria zyrtare e Shtëpisë së Bardhë në X me mbishkrimin “Lamtumirë”.
Trump e komentoi mbylljen duke thënë se Colbert “nuk kishte talent apo audiencë” dhe paralajmëroi se edhe moderatorë të tjerë kritikë ndaj administratës së tij mund të largohen së shpejti.
Ndërkohë, Paramount deklaroi se arsyeja e mbylljes ishte ekonomike, por kritikët dyshojnë se vendimi mund të jetë ndikuar politikisht pas bashkimit të Paramount me Skydance.
— Donald J. Trump (@realDonaldTrump) May 22, 2026