2021 nisi me lajmin e mirë që vaksinimi ndaj Covid-19 po vijon në shumë shtete. Mbi këtë situatë, BE-ja po shton presionin ndaj kompanive farmaceutike për respektimin e kontratave të nënshkruara për sigurimin e vaksinave. Pfizer dhe Astra Zeneca, kanë njoftuar së fundmi se do të reduktojnë dërgesat e BE-në për shkak të problemeve në prodhim.
”Në emër të BE-së planifikojmë të detyrojmë kompanitë që të respektojnë kontratat që kanë nënshkruar dhe presim që të ketë tranparencë duke përdorur të gjitha mjetet ligjore në dispozicion për zbatimin e kontratës”,-deklaroi Charles Michele, Presidenti i Këshillit Europian.
Nga ana tjetër, 6 ministrat nga Suedia, Danimarka, Finlanda, Lituania, Letonia dhe Estonia i drejtuan një letër të përbashkët Komisionit Europian për të shprehur shqetësimet e thella lidhur me vonesat, dhe i kërkuan KE-së të shtojë trysninë ndaj Pfizer për të respektuar afatet.
Kurse Italia ka paralajmëruar aksion ligjor kundër reduktimit të dozave, dicka qe e ka quajtur të papranueshme. Për shkak të vonesave, Italia ka pezulluar injektimin e dozave të dyta. Po ashtu Franca kërcënon të penalizojë Pfizer nëse vaksinat nuk do të mbërrijnë sipas afatit.