Presidenti i Serbisë Aleksandër Vuçiç, gjatë takimit me homologun maqedonas Dimitar Kovaçevski në Athinë, është treguar i gatshëm t’i kërkojë falje popullit maqedonas nëse ndihet i ofenduar me ndonjë deklaratë nga Beogradi zyrtar.
Kryeministri i Maqedonisë së Veriut, Dimitar Kovaçevski tha se diskutoi me Vuçiç keqkuptimet në lidhje me deklaratën e ministrit të Mbrojtjes së Serbisë, Millosh Vuçeviç, i cili tha se Mali i Zi dhe Maqedonia e Veriut e kanë ofenduar Beogradin me njohjen e pavarësisë së Kosovës.
Kovaçevski tha se vetë Vuçiç është treguar i gatshëm t’i kërkojë falje popullit maqedonas nëse ndihet i ofenduar me ndonjë deklaratë nga Beogradi zyrtar.
“Folëm me presidentin serb Aleksandar Vuçiç në Athinë. Ai më siguroi se si përfaqësues i shtetit serb, popullin maqedonas dhe shtetin maqedonas i konsideron jashtëzakonisht miqësor dhe nëse ndonjë qytetar maqedonas është ofenduar nga ndonjë mesazh i shtetit serb, ai personalisht do t’i kërkojë falje”, ka shkruar Kovaçevski, krahas një fotoje me Vuçiç.