Gazetari Aleksandër Çipa i ftuar në emisionin “Tempora” në RTV Ora deklaroi se kryeministri Rama për zgjidhjen e krizës duhet të bëjë një hap tërheqës, si ai për armët kimike.
“Ky kryeministër aktual ka të gjitha detyrimet të bëjë një veprim tërheqës, që politikisht të jetë vendimi që mori për armët kimike. Duhet ta bëjë për dy arsye: Duhet të evitojë ofertën e të ashtuquajturit konfliktualitet, gjë për të cilën e akuzon kundërshtarin politik. Unë nuk besoj që PD ka shumicën në vend. Sepse unë përfshihem tek qyetarët që nuk e kanë të shkurtër kujtesën. Sepse PD iku nga pushteti për shkak të korrupsionit dhe sot një pjesë e mirë e lidershipit të PD janë brenda strukturave që e drejtojnë PD-në”,- tha Çipa.