Nga Kreshnik Spahiu
Sot Shtetet e Bashkuara të Amerikës kanë bërë thirrje që populli Kosovës mos votoj Albin Kurtin. Madje thirrja e SHBA ka shkuar më tej duke e akuzuar si mashtrues dhe njeri të pabesueshëm pë BE, NATO dhe SHBA. I deleguari i Presidentit Trump ka theksuar se: “BE-ja dhe NATO-ja. Bashkësia ndërkombëtare është e bashkuar kundër Kurtit.
Kurti ka qenë gjithashtu kundër çdo ideje të SHBA-së të ofruar nga presidentët Clinton, Bush, Obama, Biden dhe Trump. Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni.” – thekson Richard Grenell.
Qëndrimi SHBA vjen 5 ditë para zgjedhjeve parlamentare në Kosovë. Kujtojmë që qeveria Kurti 1 është rrëzuar 5 vjet më parë nga Donald Trump në mandatin e parë dhe SHBA janë të vendosura mos bashkpunojnë me politikanin më anti-amerikan në trevat shqiptare, siç e konsiderojnë ata. Ndërkohë aktivistët e Vetevendosjes justifikohen se Kosova është sovrane dhe SHBA duhet zgjedh populli liderët e saj.
Tre pyetjet që shtrohen janë:
1- Kosova i çlirua vetë apo nga amerikanët?
2- Pse Kosova nuk e fitoi pavarësinë dot e vetme për 1000 vjet luftë por e fituan për 100 ditë kur bombardoi Amerika?
3- Nëse SHBA nuk do e njihte Kosovën si shtet, a do egzistonte sovraniteti i saj apo jo?
Sigurisht mosmirënjohësit e Vetëvendosjes janë gati ti shpallin luftë perëndimit, vetëm për kolltukun e Albinit. Por ky është vetëm fillimi. Çuritërisht sot Tirana heshti. Heshtën partitë e reja dhe të vjetra. Heshtën liderët e ri dhe të vjetër. Kjo tregon sa pak politik prodhon Tirana dhe sa pa integritet është klasa politike shqiptare.
Çuditërisht heshtën edhe Trumpistët e Tiranës. Ata heshtën dhe nuk dihet me kë janë: Me Trump apo me Albinin? Në fakt ata heshtën sepse kanë frikë sepse po ju vjen rradha.
Ata e dinë që nuk është e largët dita kur Trump të bëjë thirrje se kush duhet të votohet në Shqipëri. Atë ditë Trumpistët e Tiranës do duken në sytë e shqiptarve si super Trapa. Ëndrra e tyre se do përdorin Trump për të ardhur në pushtet do kthehet në bumerang ditën që Musk dhe Grenell do bëjnë thirrje: Mos votoni Non-Gratat e SHBA. Atë ditë trumpistët e Shqipërisë do thonë: “Trump sapo u korruptua”.
Duroni pak: “Është rradha e tyre”.