Nga Erion Braçe-
NË KANTIERIN E PEDONALEVE TË BLLOKUT
Puna është në këtë nivel dhe, me sa duket, pedonalet do të jenë kështu.
Por tani ka disa probleme që duhen thënë hapur.
E para: Ejani dhe hiqni plehrat! Kanë dy ditë këtu në këtë gjendje. Askush nuk jua ka borxh pisllëkun.
E dyta: Me gjithë respektin për arkitektët dhe projektuesit, në këtë klimë gjithnjë e më të nxehtë që po përjetojmë, më shumë gjelbërim dhe më shumë hije nuk do të ishin thjesht “më mirë” — do të ishin jetike. Një pedonale duhet të jetë e jetueshme edhe në mes të verës.
E treta, dhe kjo është shumë e rëndësishme:
NUK DUA KURSESI QË PEDONALET, TË NDËRTUARA PËR BANORËT DHE TURISTËT, TË KTHEHEN NË PARKIME PËR “TË FORTËT” QË SILLEN SIKUR JANË ZOTËR TË BLLOKUT!
Nuk mund të investohen para, të prishen rrugë, të bëhen pedonale dhe, në fund, hapësira që u merret makinave për t’iu kthyer qytetarëve t’u dorëzohet përsëri makinave të atyre që mendojnë se rregullat nuk vlejnë për ta.
E gjithë kjo punë po bëhet për t’ua kthyer jetën banorëve, këmbësorëve dhe qytetit — jo për t’ua lehtësuar parkimin “të fortëve”.
Pedonale do të thotë pedonale. Jo parking privat për njerëzit me miq, pushtet apo arrogancë.