Rudina Hajdari është një ndër zërat e parë mes demokratëve që kërkon haptazi dorëheqjen e Sali Berishës nga drejtimi i Partisë Demokratike, pas rezultatit zhgënjyes në zgjedhjet e 11 majit. Ajo deklaron: “Kemi një PD të tkurrur. Nuk shoh një të ardhme. Sa kohë që Berisha të jetë në krye PD do të ketë vetëm një të shkuar dhe jo një të ardhme”.
Në statutin e PD është e shkruar qartë se kur humbet zgjedhjet, kryetari i PD jep dorëheqjen e parevokueshme. Por Berisha po justifikohet se “nuk ishin zgjedhje, por farsë”. Ndërkohë nën zë kanë filluar të flasin në grupin e ri parlamentar se Berisha ka nevojë të bindë vetveten se duhet të largohet.