Artistët e institucioneve publike kulturore mund të përfitojnë trajtim financiar pas përfundimit të aktivitetit të tyre në skenë.
Sipas projektligjit të propozuar, akrobatët, balerinët dhe valltarët do të mund ta përfitojnë këtë mbështetje nga mosha 47 vjeç, ndërsa këngëtarët solistë dhe të korit nga 57 vjeç.
Për pesë vitet e para, trajtimi financiar do të jetë 70% e pagës bruto mujore, ndërsa më pas 50%, deri në përfitimin e pensionit të pleqërisë, invaliditetit ose pensionit familjar.
Artistët mund të angazhohen gjithashtu deri në 250 orë në vit, pa shpërblim shtesë, në aktivitete artistike, kulturore, trajnuese apo promovuese.
Projektligji, aktualisht në konsultim publik, pritet të hyjë në fuqi më 1 janar 2027 dhe parashikon një kosto prej rreth 50.8 milionë lekësh për periudhën 2027–2029.