Administrata Trump thotë se do të prodhohet një vaksinë COVID-19 falas për pothuajse të gjithë popullsinë në Shtetet e Bashkuara që e dëshiron atë.
Kompanitë e sigurimeve pritet të mbulojnë shpenzimet e vaksinës për shumicën e amerikanëve, sipas një zyrtari të lartë të administratës i cili foli në një konferencë të martën për të diskutuar përpjekjet e qeverisë për të zhvilluar një vaksinë deri në fund të vitit.
Ai tha:
Për ata që nuk kanë sigurime shëndetësore, roli ynë si qeveri federale është të garantojmë se kushdo që është i rrezikuar dhe do të bëjë vaksinën, por nuk mund të paguajë koston. Ne mund të prodhojmë një vaksinë me fonde federale para se të bëhet e disponueshme në vende të tjera. Përparësitë tona janë të qarta. Të kujdesemi fillimisht për amerikanët. Nëse kemi teprica, është në interesin tonë të vaksinojmë edhe të tjerët në botë.
Administrata synon të prodhojë 300 milionë doza vaksine brenda janarit 2021. Vaksinat zakonisht kërkojnë 10 vjet kohë për t’u zhvilluar.
Kontratat Qeveritare
Qeveria ka njoftuar më shumë se 3 trilionë dollarë në kontrata për të mbështetur kompanitë me testime, prodhim dhe shpërndarje të vaksinës. Kongresi ka miratuar afro 10 miliardë dollarë për të zhvilluar vaksina, trajtime dhe diagostikime për COVID-19. 14 vaksina kandidate janë zgjedhur nga më shumë se 100 variante.
Qeveria tha se do të zgjedhë shtatë vaksina kandidate për prova klinike. Presidenti Trump ka njoftuar mbështetje për vaksina kandidate të prodhuara nga tre kompani: Moderna, e cila hyn në fazën e parë të një procesi provash klinike me tre faza; Johnson & Johnson, e cila planifikon të fillojë fazën e parë të testimeve këtë verë dhe AstraZeneca, e cila hyn në fazën e fundit të testimeve këtë verë. Administrata thotë se kjo vaksinë mund të hidhet në përdorim në tetor, nëse punon.
Fondet federale po mbështesin krijimin e kapaciteteve prodhuese ndërkohë që vazhojnë provat e vaksinave kandidate. Qeveria ka nënshkruar kontrata me kompani që prodhojnë shiringa dhe ampula për të ambalazhuar vaksinat.joq