Seanca plenare në Kuvend këtë të hënë, u shoqërua me tensione dhe kaos për rreth 30 minuta, pasi deputetët e Partisë Demokratike ndërhynë duke bllokuar punimet parlamentare. Pas ndërprerjes së punimeve, deputetët e PD-së u larguan nga salla e Kuvendit dhe u drejtuan drejt bulevardit “Dëshmorët e Kombit”, ku iu bashkuan protestës së thirrur në kuadër të “Foltores” para Kryeministrisë. Aty drejtues të opozitës po mbajnë fjalime kundër qeverisë ”Rama 4”, duke e cilësuar situatën politike si të papranueshme dhe duke paralajmëruar vijimin e aksionit opozitar.