Kreu i Partisë Demokratike, Sali Berisha, ka zhvilluar një takim me disa prej personaliteteve të njohura të diasporës shqiptare në Shtetet e Bashkuara të Amerikës. Përmes një postimi, Berisha bëri të ditur se është takuar me miqtë e tij të kahershëm, Rrustem Gecajn, Agim Rexhën, Syl Lajçin dhe Sali Lajçin, me të cilët zhvilloi një bisedë të hapur dhe miqësore. Berisha shprehu mirënjohjen e tij për kontributin e tyre ndër vite, veçanërisht për rolin që, sipas tij, kanë luajtur në mbështetjen e lirisë së Kosovës dhe të Shqipërisë.
Postimi i plotë
Takim me personalitete të shquara të diaspora Z. Rrustem Gecaj, T. Agim Rexha , Z. Syl Lajci e Z. Sali Lajci.
Të dashur miq, dje pata një takim të hapur dhe miqsor me disa nga personalitet më të shquara të diasporës tonë në SHBA dhe miq të mi të kahereshëm Zotrinjtë Rrustem Gecaj, Agim Rexha, Syl Lajci e Sali Lajci.
Në këtë takim shfrytëzova rastin t’ju shpreh atyre mirënjohjen time më të thellë për rolin e tyre tejet të çmuar dhe të pazevendësueshëm në lirinë e Kosovës dhe mbështetjen e Shqipërisë.
Në takim në frymë mirkuptimi të plotë diskutuam mbi zhvillimet politike në Shqipëri dhe Kosovë.
