Sekretari i Përgjithshëm i PD-së, Flamur Noka ka shpërndarë një analizë të publikuar në Washington Examiner, në të cilën akuzohet qeveria Rama për rritje të ndikimit të krimit të organizuar dhe trafikut të drogës në Shqipëri. Në shkrimin e Michael Rubin, theksohet se legalizimi i kanabisit ka hapur rrugë për pastrim parash dhe se vendi po shndërrohet në një pikë kyçe të trafikut të narkotikëve në Europë.
Reagimi i plotë
Washington Examiner ekzaminon narkoregjimin e Ramës. Vendi i vogël ballkanik nuk është i panjohur për krimin e organizuar, por kryeministri aktual Edi Rama e ka çuar kriminalitetin e vendit në një nivel të ri. Legalizimi i kultivimit të marijuanës prej tij ka krijuar mbulim për pastrimin e fitimeve nga droga, ndërsa #Shqipëria po bëhet qendra europiane jo vetëm për marijuanën, por edhe për heroinën, kokainën dhe metamfetaminat.
Rama konsultohet shpesh me Erdogan, të cilin ai e merr hapur si model. Ashtu si Erdogani dhe rrethi i tij, Rama dhe aleatët e tij fitojnë para duke konfiskuar toka për zhvillim. Ata që i dalin përpara përfundojnë duke luftuar akuza të dyshimta nga SPAK, një forcë anti-korrupsion orwelliane që po vepron gjithnjë e më shumë si milicia private e Ramës. Ambasadorë amerikanë të njëanshëm dhe marrëveshje pasurish të paluajtshme, si me Alex Sorosin ashtu edhe me Jared Kushnerin, i japin Ramës një ndjenjë pandëshkueshmërie.
Ajo që ndodh në Shqipëri nuk do të mbetet vetëm në Shqipëri. Ashtu siç Libani ra në kaos, shënjestrimi i qëllimshëm i kundërshtarëve të Ramës dhe mbështetësve të qeverisjes së pastër po zhgënjen qytetarët që dikur ishin më proamerikanët në Europë. Krimi i organizuar dhe ekonomia e drogës u japin kriminelëve dhe terroristëve një pikëmbështetje në Europë.
Ashtu siç Asadi sponsorizonte terroristë në Liban duke kërkuar njëkohësisht mohueshmëri të besueshme, Erdogani mund të bëjë së shpejti të njëjtën gjë në Shqipëri.
Shqipëria mund të duket e vogël, por Rama përfaqëson një gangrenë që duhet amputuar para se helmi i saj të përhapet.