Kryetari i PD-së Sali Berisha ka zhvilluar një seri takimesh me figura të rëndësishme të Partisë Republikane amerikane gjatë Konventës Republikane të mbajtur në Dallas të Amerikës.
Përmes disa postimeve në Facebook, Berisha ka ndarë momente nga takimet me Kongresmenin republikan Brandon Gill, si dhe me Mike Rogers, kandidatin republikan për Senat në Michigan.
Një tjetër takim i zhvilluar gjatë konventës ishte ai me Mehmet Oz, Administratorin e Qendrave të SHBA-së për Shërbimet Medicare dhe Medicaid (CMS).
Berisha ka publikuar fotografi nga këto takime, duke i cilësuar ato si pjesë të angazhimeve të tij gjatë qëndrimit në Dallas. Takimet me përfaqësues të politikës amerikane vijnë në kuadër të kontakteve të kreut të opozitës shqiptare me figura të Partisë Republikane në SHBA.