Kryeministri Edi Rama ndau sot në rrjetet sociale pamje nga lumi i Shalës, i cili vijon të tërheqë një vëmendje të veçantë, për shkak të natyrës së paprekur dhe mundësive të shumta që ofron.
“I ushqyer nga burimet malore, reshjet dhe shkrirja e dëborës, Lumi i Shalës është një korridor ekologjik kyç për biodiversitetin lokal. Ujërat e kristalta, peizazhet spektakolare dhe qetësia që ofron e bëjnë këtë destinacion tepër të veçantë”, theksoi Rama, krahas pamjeve që sjell në rrjetet sociale.
