Shqipëria ka shënuar një tjetër hap të rëndësishëm në procesin e integrimit europian, duke nisur zyrtarisht mbylljen e tre kapitujve negociues me Bashkimin Europian, pas përfundimit të suksesshëm të Konferencës së IX Ndërqeveritare Shqipëri-BE. Në konferencën e përbashkët për shtyp, Ministri i Shtetit për Çështjet Europiane dhe Mbrojtjen i Irlandës, Thomas Byrne, e cilësoi këtë si një ditë të rëndësishme jo vetëm për Shqipërinë, por edhe për vetë Bashkimin Europian. Byrne bëri të ditur se Këshilli ka rënë dakord që Shqipëria është gati të mbyllë tre kapituj negociues: Shkenca dhe Kërkimi, Arsimi dhe Kultura si dhe Marrëdhëniet me Jashtë, duke vlerësuar progresin e vendit në rrugën drejt anëtarësimit.
”Sot është një ditë vërtetë e rëndësishme për Shqipërinë, por e rëndësishme edhe për Bashkimin Euopian. Është një super e martë, me një super fund. Sot mora pjesë në konferencën e parë të anëtarësimit me Martën, është e para sot, dhe në fakt, janë një sërë që mbajmë që prej 2002- shit dhe pata kënaqësi që të kryesoja konferencën e IX të anëtarësimit me Martën dhe me kryeministrin Edi Rama. Shqipëria sot ka nisur dukshëm mbylljen e kapitujve negociues. Këshilli ka rënë dakord që Shqipëria është gati të mbyllë tre kapituj negociues, që është Shkencë e Kërkim, Arsim dhe Kulturë dhe Marrëdhëniet me Jashtë.
Shqipëria ka dëshmuar angazhimin e saj drejt Bashkimit Europian me mbylljen e këtyre kapitujve dhe ne shohim Shqipërinë të hyjë në një fazë të re anëtarësimi. Shqipëria ka çelur gjashtë grup kapitujt brenda një vit dhe ka përmbushur piketat e ndërmjetme gjatë presidencës së Qipros, në maj. Pra, ne vlerësojmë konsistencën dhe angazhimin zoti kryeministër, jo vetëm në zbatimin e reformave, sidomos në sundimin e ligjit, absolutisht thelbësor, te gjyqësori, antikorrupsionit, që mbeten në fakt, thelbi i procesit të zgjerimit të Bashkimit Europian.
Si presidencë irlandeze, do të mbështesim Shqipërinë që të vazhdojë të harmonizojë legjislacionin e vet me “aquis” europiane dhe të ecë përpara në procesin e anëtarësimit. Procesi i zgjerimit është një rrugëtim transformues dhe Irlanda e di më mirë se të gjithë, do të thoja, ka dobi për institucionet, për shoqërinë, për ekonominë, jo vetëm të vendeve kandidate, por edhe të të gjithë Bashkimit Evopian. Presim me padurim në Këshill, që të vazhdoj të çojmë përpara kandidaturën e Shqipërisë në muajt që vijnë”.