Kryetari i grupit parlamentar i PS-së, Taulant Balla, gjatë prezantimit të disa ndryshimeve në ligjin për “Turizmin” në Komisionin për Kulturën, Turizmin dhe Diasporën, publikoi një dokument i cili tregon se vendimet për zhvillimet në zonën e Vlorës janë miratuar nga qeveria e drejtuar nga Sali Berisha.
Balla tha se vendimi për gjurmën e Aeroportit të Vlorës, si edhe ai që përcakton Nartën dhe Zvërnecin si zona me potencial për zhvillim turistik, mban firmën e Berishës në cilësinë e kryetarit të KRRTRSH-së në vitin 2009.
”Po ju bëj publike se kush i ka firmosur vendimet për aeroportin e Vlorës edhe për zonën ndërtimore zhvillimore turistike në Zvërnec. Personi quhet Sali Berisha. Ja ku e keni”,– u shpreh Balla.