Policia e Shtetit ka ndërhyrë për të shpërndarë turmën gjatë protestës e cila vijon ende përballë qendrës tregtare ”Toptani”, ndërsa ka nisur edhe shoqërimi i protestuesve. Sipas informacioneve, deri tani janë shoqëruar 5 protestues nga policia.
Njëri prej protestuesve është parë të shtrihej në tokë, gjatë momentit që po tentohej shoqërimi i tij nga forcat e Policisë.
Forcat e Ndërhyrjes së Shpejtë u janë bashkuar Forcave Shqiponja në perimetrin rreth Kuvendit, për të bërë të mundur shpërndarjen e protestuesve, të cilët janë pozicionuar atje për të sulmuar me vezë deputetët, pas përfundimit të seancës plenare.
Për shkak të grumbullimit të protestuesve, është bllokuar edhe rruga para Kuvendit, duke bërë që qindra automjete të mbeten në trafik.