Indeksi global i dijes, i sapo publikuar, e rendit Shqipërinë në vendin e 67-të në botë ndër 137 vende të ndryshme të botës.
Ky edicion shënon një përmirësim të ndjeshëm krahasuar me edicionin e kaluar të indeksit, pasi në raportin e kaluar renditeshim në vendin e 78-të në botë. Indeksi global i dijes publikohet nga nga programi për zhvillim i kombeve të bashkuara (PNUD), UNESCO dhe një fondacion privat.
Krahasuar me vendet e tjera të kontinentit të vjetër, vetëm Maqedonia e Veriut dhe Turqia rezultojnë më keq në renditje se ne.
Ky është edicioni i dytë i publikimit. Indeksi i përgjithshëm përpilohet mbi bazën e 6 kritereve kyçe, të cilat më pas zbërthehen në rreth 150 nën-indikatorë të tjerë.
Gjashtë fushat kryesore janë: arsimi para-universitar, arsimi i lartë, kërkimi dhe zhvillimi, trajnimi dhe arsimi teknik, informacioni dhe teknologjia e telekomunikimit si dhe ekonomia.
Në indeks përfshihet dhe një indikator i 7-të, ambienti i përgjithshëm, që e rendit vendin tonë të 53-tin në botë.
Performancën më të mirë, ndër indikatorët kyç, Shqipëria e regjistron në atë të trajnimit dhe arsimit teknik, ku renditet e 52-ta në botë, dhe performancën më të dobët në drejtim të arsimit të lartë, ku renditet vetëm e 83-ta në botë.
Në drejtim të arsimit para-universitar, trajnimit dhe arsimit teknik, si dhe në atë të ambientit të përgjithshëm, Shqipëria performon mbi mesataren globale.
Në indeksin e përgjithshëm të dijes, vendi ynë grumbullon 46 pikë pikë, nga 46.5 që është mesatarja globale.
Në indikatorin që i referohet ekonomisë ndërkohë, Shqipëria renditet në vendin e 73-të në botë. Në nivel global, në vend të parë renditet Zvicra, ndërkohë që në vend të fundit të tabelës gjejmë Çadin. /Scan
https://youtu.be/fki4SgAlXZg