Kreu i PD, Lulzim Basha ka lajmëruar se ka përfunduar një video- konferencë me komisionerin për zgjerimin e BE Oliver Varhelyi ku ka folur ëpr 15 kushtet e negociatave si dhe për ndihmën për të përballuar koronavirusin.
Basha shprehet se i ka garantuar komisionerit europian se opozita do të kontribuojë në plotësimin e 15 kushteve të caktuara nga Këshilli Europian.
Po ashtu lideri opozitar i ka kërkuar ndihmë shtesë nga BE për shkak se Shqipëria në radhë të parë nuk ka mundësi dhe e dyta është një vend i varfër ekonomikisht.
”Të dashur bashkëqytetarë,
Sapo përfundova një videokonferencë me komisionerin për zgjerimin e BE Oliver Varheliyi. E falenderova atë dhe BE për shprehjen e vullnetit pozitiv për çeljen e negociatave pas 15 kushteve.
E garantova që opozita, PD dhe unë personalisht do të bëjmë çfarë kemi në dorë dhe do të kontribuojmë për plotësimin e 15 kushteve. Plotësimi i tyre dhe zbatimi I Reformave të nevojshme do të sjellin jo vetëm hapjen e negociatave, por edhe forcimin e shtetit të së drejtës dhe rritjen e mirëqënies ekonomike të çdo familjeje.
Komisionerin dhe BE falenderova edhe për ndihmën ekonomike që i akorduan Shqipërisë për të përballuar pasojat e koronavirusit dhei kërkova të shohë çdo mundësi për ta shtuar këtë ndihmë. Pasi përveç pamundësisë për të plotësuar nevojat në shëndetësi Shqipëria është e varfër dhe e ka të domosdoshme ndihmën ndaj familjeve në nevojë, për shtresat në nevojë, për biznesin dhe ekonominë.
I kërkova dhe rialokimin e fondeve brenda instrumentit të paraaderimit IPA, në mbështetje për ekonominë, shëndetësinë, mbështetja sociale. I kërkova të na ndihmojë dhe instrumentet e tjera të BE, si Banka Europiane e Investimeve dhe BERZH.
Nuk jemi vetëm. Ditë më të mira do të vijnë.”- tha Basha.