Sali Berisha i është rikthyer akuzave ndaj kryetarit Lulzim Basha, në lidhje me aferën e “Toyota Yaris”, të cilën vetë Basha e denoncoi në Parlament.
Nga ”Foltorja” me demokratët e Burrelit, ish-kryeministri Berisha tha se me këtë dosje, kryeministri Edi Rama po e mban peng Bashën. Ai shtoi se Basha duhet të sqarojë nëse ka ndarë apo jo para me kreun e grupit parlamentar të Partisë Socialiste, Taulant Balla në këtë aferë.
”Tre-katër ditë më parë u ankua se u sulmua nga unë me fjalët e Edi Ramës dhe unë po i përgjigjem këtu para jush. Peng-Basha nëse Rama apo dikush tjetër thotë diçka që qëndron, Berisha nuk e mohon, absolutisht jo. Është e vërtetë që ai i ka përmendur ”Toyota Yaris” në Parlament, por me këtë e mban peng Rama atë, dil e sqaro peng-Basha a ndave para me Ballën apo jo në atë aferë”.
