Përfaqësuesi ligjor i Partisë Demokratike në KQZ, Marash Logu e ka konsideruar të paligjshme dhe të padrejtë rrëzimin e kërkesave të tyre nga Kolegji Zgjedhor për prova shtesë për rrëzimin e zgjedhjeve në Tiranë, dhe për përjashtimin e shtatë gjyqtarëve nga grupi i tyre.
Për mediat, Logu tha se është krejtësisht e palogjikshme që një person të vendosë për veten e tij nëse do të përjashtohet apo jo.
”Kolegji Zgjedhor ka humbur shansin të zbardhë të vërtetën e 25 prillit. Nuk ka kuptim që ti kërkon përjashtimin e Marashit dhe Marashi vendos nëse duhet të largojë Marashi veten apo jo. Ne kemi propozuar zgjidhjen si do të ndodhte, por ky kolegj e refuzoi”.
