Këshilltari ekonomik pranë CDU-së, Martin Henze ka reaguar sërish ndaj nismës së kreut të qeverisë, Edi Rama dhe Presidentit serb Aleksandër Vuçiç, për të ashtuquajturën “Mini-Shengen Ballkanik”. Henze e ka kundërshtuar ashpër këtë iniciativë, e cila sipas tij, do të shërbejë si urë lidhëse e vendeve euroaziatike për të pasur akses në rajon. Teksa bën një analizë të marrëveshjes, Henze shprehet se prapa saj fshihet Rusia, pasi Serbia është ekonomikisht shumë e dobët për të qenë një fuqi rajonale.
”Rusia dëshiron të jetë fuqia e vërtetë , duke u fshehur kështu pas Serbisë. ”Shengen” është një zonë ekonomike, BE është një zonë ekonomike dhe federate ruse është në Bashkimin ekonomik euroaziatik. Çfarë do të thotë kjo? Serbia është anëtare e asociuar e EAEU dhe përmes “Mini-Shengenit”, rruga do të jetë më e thjeshtë për vendet euroaziatiake, për të patur akses në rajon. Meqenëse Shqipëria është aktualisht anëtare e NATO-s, kjo gjë bëhet e mundur. Kushdo që është pjesë e Bashkimin Ekonomik Euroaziatik, është gjithashtu një aleat i rusëve”.
Henze shton më tej se kjo çështje ka dy vite që diskutohet me Ramën dhe kjo largon më tepër Shqipërinë drejt Bashkimit Europian, për faktin se ky i fundit është në konkurencë më Bashkimin ekonomik euroaziatik, i cili tenton të largojë rajonin nga Perëndimi. Sipas Këshilltarit ekonomik të CDU-së gjermane, nisma dëmton gjithashtu edhe NATON. ””Mini-Shengeni” është gjithashtu një problem për NATO-n. Çfarë synon kjo nismë? Serbia do të ketë garanci për strukturat ekonomike në Shqipëri dhe të sajat, shtohen përpjekjet për të përçarë Kosovën, rusët kanë informacione të hollësishme për Ramën dhe Vuçiç, kështu që Rama është i detyruar të bindet”.
