Partia Socialiste ka nisur sot shkollën verore për 39 deputetët e rinj të dalë nga zgjedhjet e 11 majit. Aktiviteti zhvillohet në selinë e PS dhe do të zgjasë deri më 20 korrik, si pjesë e programit të “Akademisë Politike”.
Lektori i parë që u është drejtuar të rinjve ka qenë Fatmir Xhafaj, një prej figurave me përvojë brenda partisë. Përveç tij, përgjatë një muaji, deputetët do të ndjekin leksione nga drejtues të lartë të PS, si Edi Rama, Erion Braçe, Niko Peleshi, Elisa Spiropali, Etilda Gjonaj dhe të tjerë.
Programi përfshin katër module kryesore:
Roli kushtetues i deputetit dhe etika e përfaqësimit,
funksionimi i Kuvendit dhe procesi ligjvënës,
marrëdhëniet ndërkombëtare dhe ndërinstitucionale,
komunikimi politik dhe performanca publike.