Qëndroi në krye të PD-së që nga viti 2013, deri para një viti kur dha dorëheqjen. Lulzim Basha dje dha sinjalin e rikthimit të tij në politikën aktive pas takimit që zhvilloi me të rinj demokratë, ku la të kuptohej se kishte në plan të kandidonte për të qenë kryetar i Partisë Demokratike.
Postimi i plotë i Lulzim Basha:
Kjo kohë reflektimi më shërbeu të shihja edhe më qartë sesi ky sistem politik ka degraduar në një shfaqje që ka në qendër hallet e politikanëve, jo problemet e qytetarëve. Sherret, akuzat dhe baltosja nuk mund të jenë përgjigjja për sfidat e mëdha që ka Shqipëria. Më shumë se 70% të qytetarëve e ka refuzuar këtë teatër politik, që nuk ka asnjë zgjidhje për familjet shqiptare. Kjo shumicë e heshtur kërkon një ndryshim rrënjësor në politikbërjen e vendit, një ndryshim që patjetër mund ta sjellim të gjithë bashkë!
