Vijon rinumërimi i votave të zgjedhjeve të 11 majit në Tiranë. Deri më tani janë rinumëruar 464, dhe ky proces ka treguar se dy partitë e mëdha janë favorizuar nga numëruesit e tyre në 11 maj.
Prej ditësh, kutitë e qarkut të Tiranës po numërohen për herë të dytë pas kërkesës së dy anëtarëve të KAS-it.
Por ky proces po tregon atë që nuk e prisnin aspak demokratët. Deri tani rezulton se Partisë Demokratike i janë shtuar padrejtësisht 241 vota, ndërsa PS-së 194 vota.
Në vend të tretë për numrin e votave të padrejta renditet koalicioni Shqipëria Bëhet që ka 28 vota, të cilat do t’i hiqen pas rinumërimit, ndërsa PSD-ja ka 22 vota.
Dy subjektet e vetme që pritet t’u shtohen votat pas rinumërimit, janë koalicioni i Bashës që i mungojnë 10 vota dhe koalicioni i Dashamir Shehit 7 vota.
