Kryeministri i Kosovës, Albin Kurti është i vendosur dhe thotë që kryetarët e komunave veriore të ushtrojnë detyrat në objektet komunale, pavarësisht situatës së krijuar në veri.
Kurti ka thënë se kryetarët e zgjedhur atje janë legalë dhe mandatin duhet ta ushtrojnë në bazë të kompetencave të tyre.
“Nuk duhet të ketë paralelizma në veri, nuk pranojmë që kryetarët të ushtrojnë detyrat në zyra paralele”, ka thënë ai para gazetarëve.
Lidhur me raportet me SHBA-në, Kurti ka thënë se ato janë të shkëlqyeshme mirëpo ka raste kur dallojnë në qasje, e cila sipas tij nuk është thelbësore.