Presidentja e Kosovës, Vjosa Osmani thotë se ka dekretuar zyrtarisht hapjen e Misionit të Posaçëm të Kosovës në Vatikan. Ajo e cilëson këtë hap të rëndësishëm për Kosovën dhe raportet me Selinë e Shenjtë.
“Pas dy vitesh pune intensive me Selinë e Shenjtë, kam dekretuar formalisht hapjen e Misionit të Posaçëm të Republikës së Kosovës në Selinë e Shenjtë. Ky është hap i rëndësishëm për Kosovën dhe raportet tona me Selinë e Shenjtë, të cilat do të vazhdojmë t’i thellojmë”, njofton presidentja përmes një postimi në Facebook.
Vatikani ende nuk e ka njohur pavarësinë e Kosovës. Në janar të 2023 gjatë vizitës në Vatikan Osmani i tha Papës se synimi i Kosovës është njohja nga Vatikani.
