Dhimbjet e kokës janë një problem që prek shumë njerëz në mbarë botën dhe në disa raste shkaku mund të gjurmohet tek ushqimi. Ka disa ushqime që mund të shkaktojnë migrenë ose ta përkeqësojnë atë, duke e bërë dhimbjen edhe më të padurueshme.
Akullore-Kur diçka e ftohtë prek qendrën e qiellzës, aktivizohen disa nerva përgjegjës për kontrollin e rrjedhjes së gjakut në kokë. Këto nerva, në kontakt me të ftohtin, bëjnë që enët e gjakut në kokë të fryhen, duke sjellë dhimbje koke.
Kafe-Kafeja është një nga ushqimet më të këqija për ata që vuajnë nga dhimbje koke, sepse konsumimi i rregullt i kafeinës mund të krijojë varësi. Në fakt, mungesa e kafeinës mund të shkaktojë dhimbje koke.
Djathë-Disa djathëra mund të shkaktojnë dhimbje koke. Djathërat si parmixhani, brie ose çedar, përmbajnë tiraminë, një kimikat natyral që ngushton dhe zgjeron enët e gjakut, duke shkaktuar dhimbje koke.
Çokollatë-Edhe pse më pak e njohur, çokollata, si kafeja, gjithashtu përmban kafeinë. Për të njëjtën arsye si kafeja, mungesa mund të shkaktojë dhimbje koke të forta.
Mish-Ashtu si djathi edhe mishi mund të përmbajë tiraminë. Sallami, mortadella, proshuta, janë të gjitha ushqimet që nuk rekomandohen për ata që vuajnë nga dhimbja e kokës kronike.