Bes Kallaku duket se po jeton një fazë të re të jetës së tij, ndërsa lidhja me Ejonën vijon të jetë në qendër të vëmendjes së publikut. Romanca e tyre, e bërë publike prej disa muajsh, duket se është konsoliduar dhe së fundmi një detaj i publikuar nga aktori ka nxitur dyshimet për një hap të rëndësishëm në marrëdhënien e tyre.
Në fotografinë e fundit, Besi shfaqet pranë një kryqi, ndërsa në dorën e tij bie në sy një unazë. Krahas imazhit ai ka shkruar “Faleminderit Zot” dhe ka zgjedhur si sfond këngën “Happiest Year” të Jaymes Young. Ky kombinim ka mjaftuar që në rrjetet sociale të nisin aludimet se aktori mund të jetë fejuar ose martuar me Ejonën.
Megjithatë, Bes Kallaku nuk ka dhënë ende një konfirmim zyrtar lidhur me statusin e marrëdhënies. Pavarësisht kësaj, gjatë muajve të fundit ai ka dhënë disa sinjale për rëndësinë që Ejona ka marrë në jetën e tij. Madje, në janar ai publikoi një tatuazh me emrin e saj, datën 25.12.2025 dhe dedikimin “Trëndafil në kohë lufte”.
Edhe në daljet publike, aktori ka folur me emocione për partneren e tij, duke e cilësuar si personin që i ka rikthyer buzëqeshjen pas një periudhe të vështirë.
Besi është baba i dy fëmijëve, Ajkës dhe Amenit, nga martesa me Xhensila Myrtezajn. Për këtë arsye, aludimet e fundit kanë ngritur edhe pyetjen nëse çifti po mendon për martesë dhe një tjetër fëmijë.
Deri tani nuk ka asnjë konfirmim për një shtatzëni apo plane konkrete për zgjerimin e familjes. Megjithatë, një gjë duket e qartë: pas ndarjes së bujshme nga Xhensila, Bes Kallaku po ndërton hapur një kapitull të ri sentimental me Ejonën.