Katër gola në katër javë, Dusan Vlahovic po shijon pranverën e tij te Juventus dhe po udhëheq skuadrën e Massimiliano Allegrit drejt fitoreve në këtë fillim sezoni.
Siç nënvizohet nga “Gazzetta dello Sport”, sulmuesi i Juventusit po ruan një performancë shumë të lartë, edhe më mirë se Gonzalo Higuain dhe Cristiano Ronaldo, dy nga sulmuesit më “pjellorë” të Juventusit në vitet e fundit.
Gjithsesi ai nuk ka ndërmend që të ndalet. Me një dygolësh ndaj Sassuolos dhe gola kundër Romës dhe Spezias, edhe vitin e kaluar bomberi serb shënoi katër gola në katër ndeshjet e para, por e ndali ritmin në ndeshjen e pestë, në stol për 90 minuta kundër Fiorentinës. Por këtë vit planet janë të ndryshme.
Juventusi ka vetëm kampionatin si synim këtë sezon, ndaj dhe Vlahovic është i etur për të shënuar dhe në javën e pestë. Me shumë mundësi ai pritet ta nisë nga minuta e parë ndeshjen ndaj Sassuolos. Allegri ka rigjetur Dusan në versionin e tij më të mirë të mundshëm. /R.Lika-Koha Jonë/