“I privilegjuar nga mikpritja e Presidentit legjendar të Real Madridit, Florentino Perez, në Stadiumin “Santiago Bernabeu”, ku folëm për sjelljen në Shqipëri të shkollës së futbollit dhe Universitetit të Sporteve që janë krijuar e mbështeten nga Fondacioni i klubit prestigjioz spanjol”- shkruan kryeministri Edi Rama.
Ky takim vjen në kuadër të përpjekjeve për të fuqizuar bashkëpunimin në fushën e sportit dhe edukimit sportiv mes Shqipërisë dhe një prej klubeve më të njohura në botë.
Fondacioni i Real Madridit është i angazhuar prej vitesh në projekte sociale dhe arsimore në shumë vende, dhe tashmë pritet që të shtrihet më konkretisht edhe në Shqipëri përmes shkollave sportive dhe mbështetjes akademike në fushën e sporteve.
Prania e Ramës në ndeshjen e madrilenëve ka tërhequr vëmendjen e mediave spanjolle dhe atyre shqiptare, duke u komentuar si një nga vizitat e tij të rralla në “Santiago Bernabeo”.
Rama pak ditë më parë është shprehur se ka raporte të mira me numrin një të Realit dhe se shkëmbejnë mesazhe mes tyre.
