Kimi Antonelli ka shënuar pole position-in e parë në karrierën e tij, duke u bërë piloti më i ri në histori që arrin një gjë të tillë. Pavarësisht këtij suksesi historik, talenti italian shprehet i përqendruar plotësisht te gara e së dielës.
“Ishte një sesion shumë i pastër dhe jam shumë i lumtur,” deklaroi Antonelli, duke shtuar se mezi pret të niset nga pozicioni i parë në garën e nesërme. Ai theksoi se kishte qenë i qetë, edhe pse ishte në dijeni të një problemi që kishte pasur Russell.
Kualifikueset nuk ishin pa vështirësi, pasi Antonelli pranoi se kishte pasur probleme me balancën e makinës, madje duke pyetur ekipin nëse diçka ishte thyer. Megjithatë, ai e menaxhoi situatën me sukses.
“Dua ta shijoj, por jo shumë, jam tashmë i përqendruar te dita e nesërme. Të marrësh pole-in është bukur, por duhet të përfundosh mirë,” tha ai. Antonelli shprehu gjithashtu dëshirën e tij për të rikthyer Italinë në shkallën më të lartë të podiumit.
Marrë nga La Gazzetta dello Sport