Tirana është në ditët të më errëta, pasi ka pësuar një tjetër disfatë në kampionat pas derbit, pasi këtë herë është mposhtur 2-3 me përmbysje nga Egnatia. Në stadiumin ”Selman Stërmasi”, bardheblutë kaluan dy herë në avantazh, por rrogozhinasit jo vetëm që ia dolën të barazonin, por edhe përmbysën shifrat me Paulauskas. Me këtë fitore Egnatia u shkëput në krye të klasifikimit me 19 pikë, ndërsa ndjekësin më të afërt ka Partizanin.