Newcastle United ka vendosur t’i bëjë rezistencë çdo oferte për Alexander Isak gjatë merkatos së verës, pavarësisht interesit të madh nga Liverpool.
Sulmuesi suedez, i cili e ka shprehur dëshirën për t’u larguar, është objektivi kryesor i “The Reds”, që kanë ofruar 110 milionë paund për 25-vjeçarin. Megjithatë, oferta është refuzuar menjëherë nga klubi anglez.
Sipas “The Telegraph”, pronarët sauditë të Newcastle e shohin çështjen si një sfidë personale dhe nuk janë të gatshëm ta shesin lojtarin, edhe nëse mbërrijnë shifra rekord.
Vendimi i klubit ka shkaktuar irritim te Isak, i cili nuk është pjesë e seancave stërvitore me ekipin dhe po stërvitet veçmas me urdhër të trajnerit Eddie Howe. Ai pritet të vazhdojë në këtë situatë derisa të pranojë që do të mbetet pjesë e “Magpies” edhe sezonin e ardhshëm.