Kompeticionet europiane duken të mallkuara për skuadrat kosovare këtë verë. Pas Dritës dhe Prishtinës, probleme ka edhe te Gjilani sepse testet të cilëve u janë nënshtruar futbollistët e skuadrës së Gentjan Mezanit kanë zbuluar se një lojtar është i infektuar dhe për këtë arsye personi në fjalë është izoluar menjëherë së bashku me shokun e dhomës.
Ndërkohë UEFA ka marrë vendimin për të shtyrë me një ditë sfidën mes “Tre Pennes” së San Marinos dhe Gjilanit në mënyrë që pas 24 orësh futbollistët e skuadrës kosovare t’u nënshtrohen edhe njëherë testeve për COVID-19. Orari i ndeshjes do të përcaktohet në orët në vijim.