Ish-ylli i Brazilit, Ronaldinho, është tashmë i lirë. Pas 5 muajsh burg dhe arresti shtëpie, ish-sulmuesi i Barcelonës ka rifituar lirinë.
Gjithçka ndodhi për një pasaportë të falsifikuar kur 40-vjeçari u fut në Paraguai së bashku me të vëllanë dhe u arrestuan nga policia.
Ronaldinho dhe vëllai i tij Roberto de Assis Moreira qëndruan rreth një muaj në burg dhe 4 muaj të tjerë në arrest shtëpie, periudhë të cilën e kaluan në një hotel luksoz në Asuncion, kryeqytetin e Paraguait.
Ronaldinho duhet të paguajë një shumë prej 200 mijë dollarësh së bashku me të vëllanë dhe janë të lirë të lëvizin në çdo vend të botës.