FOTO/ Mposhtën Anglinë në finalen e ”Euro 2024”, Spanja dërgon trofeun në shtëpi/ Festa nis që në aeroport
![](https://kohajone.com/wp-content/uploads/2024/07/Capture-64.jpg)
Kombëtarja spanjolle ka dërguar në shtëpi trofeun e ”EURO 2024”. Lojtarët e “La Roja” u kthyen në tokën vendase të hënën pasdite, më pak se 24 orë pasi mposhtën Anglinë në finale.
Ndalesa e parë ishte në aeroportin Adolfo Suarez Madrid–Barajas ku kapiteni i ekipit Alvaro Morata dhe presidenti i federatës spanjolle të futbollit Pedro Rocha u fotografuan te dera e avionit duke ngritur trofeun.
E gjithë skuadra më pas pozoi për një foto pranë avionit, ku nuk mund të mungonte dhe kupa. Pas largimit nga aeroporti, ekipi shkoi për të takuar kryeministrin e Spanjës, dhe më pas festa vijoi me një paradë publike në qendër të Madrid.