A po ndërton Rusia një ‘hark hekuri’ rreth Evropës?

Nga Andrew Rettman.

Ndërhyrja e Rusisë në Libi është e projektuar për të rrethuar Evropën si pjesë e “loje të madhe” gjeostrategjikë, ka thënë ish-shefi ushtarak i Italisë.

Luigi Binelli Mantelli, i cili udhëhoqi forcat e armatosura Italisë nga viti 2013 deri në vitin 2015, tha se përpjekja e Rusisë për të fituar terren në Libi kishte të bënte me çështje më të mëdha se vaji, emigrantët, apo terroristët.

Ai tha se objektivi kryesor i udhëheqësit rus, Vladimir Putin,ishte që Rusia të “luante një rol më të madh si fuqi globale, madje të tejkalonte edhe SHBA –në, si udhëheqësen e rendit botëror pas Luftës së Ftohtë”.

Ai tha se Rusia ishte duke “forcuar praninë e saj strategjike” në Arktik, Balltik, Detin e Zi, dhe në rajonin e Mesdheut , në atë që e quajti një “hark të hekurit”.

Admirali në pension tha se këto ishin pikëpamjet e tij dhe nuk përfaqësojnë qëndrimin zyrtar të Italisë, një ish-fuqi koloniale në Libi, e cila po çon përpara përpjekjet e BE-së për të vendosur rendin në këtë vend të fragmentuar.

“Harku i hekurt” ka bërë që Rusia të rihapë bazat epokës sovjetike në veri dhe të dyfishojnë forcat ushtarake në enklavën e saj të Kaliningradit në Balltik. Tre vjet më parë, ajo mori Krimenë nga Ukraina dhe ka ndërtuar praninë e saj ushtarake në gadishullin e Detit të Zi.

“Nëse shikoni me kujdes  bazat detare [ruse], në veçanti bazën përbashkët me Kinën, Evropa është në një farë mënyrë e rrethuar në anën lindore dhe atë jugore”, tha Binelli Mantelli.

Konflikti me Ukrainës ka ngritur një “bllokim”, dhe Perëndimi tani është në “garë të hapur” me Rusinë për ndikimin në rajonin e Mesdheut. Rusia ka investuar me para, pajisje, trajnime dhe mbështetje diplomatike për Haftar, ish-shefin e ushtrisë që kontrollon lindjen e Libisë.

-Situata në Libi

Binelli Mantelli tha Haftari ishte i vetmi njeri që dukej i aftë për ri-vendosjen e rendit.

“Parti e vetme në Libi … që ka mundësinë të rifitojë unitetin dhe fuqinë mbi vendit është ajo e Haftarit. Qeveria e Tripolit është shumë  e dobët dhe e përcarë dhe mund të bjerë në çdo kohë “, tha Mantelli.

Ai tha se ishte “e arsyeshme” të mendonin se Putin do t’i kërkojë leje Haftarit për të ndërtuar një bazë ruse detare në Libi në këmbim të mbështetjes së tij. Binelli Mantelli tha vendosjet ruse nuk duhet të shihen “në aspektin e operacioneve ushtarake” kundër BE-së, por “në kushtet e një strategjie të madhe, një lojë e madhe” për të rritur statusin e saj global.

-Politika e vërtetë

Perëndimi bëri një gabim  duke “lëvizur shumë shpejt”, në përpjekjen për t’u lidhur me vende të tilla si Ukraina dhe Gjeorgjia, e cila gjithashtu u kërcënua nga Rusia.

Një “qasje më e kujdesshme dhe më e  ndjeshme” në ish-sferën sovjetike mund të kishte dhënë “rezultate shumë pozitive” në drejtimin e zgjerimit të ndikimit perëndimor atje.

Perëndimi duhet të “miratojë një strategji të mprehtë dhe reale me Rusinë … që do të thotë bashkëpunim më shumë nga kundërshtarët ndaj lëvizjeve të Putinit,” tha Mantelli, duke iu referuar bashkëpunimit për emigrantët, atë kundër-terrorizmit, dhe rindërtimin e Libisë.

Ai tha se duhet të “konkurrojmë” me Rusinë ndërkohë që ajo forcon lidhjet e veta me Kinën, Egjiptin, Iranin dhe Libinë. Binelli Mantelli tha se ai ishte duke folur në kushtet e “politikës së vërtetë”, duke lënë mënjanë pikëpamjet e tij mbi vlerat demokratike ose humanitare.

“Unë nuk jam në favor të Putinit. Unë jam thjesht  realist “, tha ai.

“Në Libi, keni nevojë për dikë të fortë, si Gadafi, i cili ishte i aftë për të mbante këta njerëz [fiset e armatosura të Libisë] nën kontroll. Kjo nuk është politikisht korrekte, por duhet të jemi realist, “tha ai, duke iu referuar diktatorit të Libisë, Muammar Gaddafit. /Eurobserver-