A po përgatitet Berisha të kandidojë dhëndrin e vet në Tiranë?
Deri dje, Sali Berisha këmbëngulte se Lulzim Basha është kandidati më i mirë i PD-së për Bashkinë e Tiranës dhe për këtë arsye, ai duhet të rikandidonte.
Por, ditën e djeshme Berisha ka ndryshuar tërësisht qendrim, duke thënë se Basha nuk duhet të konsumohet për postin e kryebashkiakut, pasi ai i duhet PD-së për kryeministër.
Vetë Basha ka lënë të kuptohet se nuk kërkon të rikandidojë.
Tashmë që edhe Berisha është tërhequr nga presioni për rikandidimin e Bashës, lind pyetja se kush do të kandidojë për PD-në në Tiranë?
Të gjithë emrat e përfolur dhe figurat kryesore të PD-së, janë tërhequr nga kjo garë.
Por ditët e fundit në skenë ka dalë emri i dhëndrit të Sali Berishës, Jamarbër Malltezi.
Gazeta “Shekulli” shkruan se është pikërisht kjo arsyeja që Berisha është tërhequr nga presioni për rikandidimin e Bashës.
Sipas gazetës në fjalë, ai po përgatiti kandidimin e dhëndrit të vet në Tiranë.
Se sa e vërtetë është kjo, pritet të shihet në ditët në vijim./
