A vret Edi Rama, nëse të vret polici i Ramës?

Nga Klodian Tomorri –

Qeveria dje ka kaluar një vijë të rrezikshme. Vrasja e qytetarëve nga policia e shtetit në mënyrë të paligjshme është hapi i fundit drejt greminës për çdo regjim.

Askush nuk mendon se atë policin e urdhëroi Rama apo qeveria të vriste. Por, qeveria duhet te pyesë veten se pse një polic i saj vret në tejkalim të ligjit një qytetar?

Është paaftësia?

Janë emërimet e paligjshme që e kanë mbushur policinë me elementë të inkriminuar?

Apo mos ndoshta klima e dhunës buron nga lart?

Arroganca në qeverisje, kapja e të gjitha pushteteve, deklaratat prej të fortësh nga zyrat e qeverisë inkurajojnë dhunë në kaskadë në të gjitha nivelet e shtetit.

Tani është në dinjitetin e qeverisë që të inkurajojë zbardhjen e ngjarjes dhe përballjen me ligjin të përgjegjësit. Çdo tentativë për të fshehur apo manipuluar provat ka pasoja të tmerrshme për vendin.

Përballë krizave dhe pakënaqësisë në rritje, mbrojtja e fundit e socialistëve ka qenë se Edi Rama nuk vret, nuk është i dhunshëm. Por, nëse të vret polici i Ramës, nuk ka ndonjë ndryshim të madh.

Lexoni edhe…

• Si mund të vritet 25-vjeçari vetëm se theu orën policore?!
• Vrasje nga policia, nesër në orën 22:00, protestë masive para Ministrisë së Brendshme
• Vrasja e 25-vjeçarit/ SHÇBA: Polici kapërceu kufijtë e mbrojtjes
• Petrit Vasili: Lleshaj shporru, ç’pret më!
• “Policia nuk pa nga errësira kur qëlloi, por ishte e aftë te gjente armën natën”
• Opinion/ Polici tërhoqi këmbëzën, Klodjanin e vrau qeveria
• Oerd Bylykbashi: Të vdesësh në ditën e rinisë
• Ylli Manjani: Është vrasje me dashje, jo kapërcim i mbrojtjes së nevojshme