Afrim Krasniqi: Gjashtë të inkriminuar do t’i fitojnë zgjedhjet

Në një kohë kur po diskutohet dekriminalizimi i parlamentit, në mënyrë paradoksale pritet të fitojnë në zgjedhjet lokale disa të inkriminuar. – “Janë 6 kandidatë të inkriminuar në garë, 4 prej tyre kanë potencial të fitojnë,” thotë analisti Afrim Krasniqi, gjithashtu Drejtori ekzekutiv i Institutit Shqiptar të Studimeve Politike në takimin që u zhvillua paraditen e 18 qershorit në aktivitetin “The Elections Situation Room”.

Kjo është një nismë për vëzhgimin zgjedhor e ngritur nga SOROS.

Politologu dhe një analist i njohur i zgjedhjeve Krasniqi  u shpreh se janë 24 zona risku nga ku 11 prej tyre kanë potencial politik dhe se “Këta kandidatë të inkriminuar ndodhen në këto zona të riskut”

Edhe drejtues të portalit “ Za Lart” u shprehën se ditët e fundit ka raportime për tensione dhe përplasje fizike dhe se kanë konstatuar se “zonat ku ka rikandidim të kryetarëve kanë më tepër problematika.”