Arben Duka dhe Mero Baze, sherr për Enver Hoxhën

Ditëlindja e diktatorit Enver Hoxha ka pështjelluar sërish një pjesë të medias në vend. Dy ditë më parë Gazeta “Dita” botoi një speciale ku mes të tjerave, poeti Arben Duka i thurte lavde disa veprimeve të mira që sipas tij kishte bërë Enver Hoxha.

Gazeta “Tema” e botuesit Mero Baze i cilësonte vargjet e Dukës si bejte. Ndërsa ngrinte pyetjen publike: “Çfarë do të ndodhte nëse bejte të tilla do botoheshin në Gjermani për Hitlerin”? Komenti bejtexhi duket se i ka djegur më shumë poetit Duka, i cili sot është marrë personalisht me botuesin Mero Baze. Ai ka botuar në Dita një replikë në vargje ndaj botuesit Mero Baze.

Nuk ka vonuar dhe gazeta Tema i është përgjigjur poetit Duka dhe gazetës Dita. “Gazeta Dita ishte mërzitur për dy gjëra, pse e kishim krahësuar Enverin me Hitlerin dhe pse vargjet e Arben Dukës i kishim quajtur bejte. Dhe, me këtë rast sot sulmon botuesin e gazetës TemA, duke u marrë edhe me flokët e tij. E bën me një bejte në formën e fletërrufesë, si në kohën e atij që i thurrin himne. Është e kotë të merresh me bejtexhiun Arben Duka që ka bërë këto vargje, sepse ai ashtu e mendon këtë gjë dhe si ai mund të ketë edhe të tjerë. Problem është kur një gazetë bëhet zëdhënëse e enverizmit. Dhe Dita këtë nuk e bëri vetëm dje, por e ka në frymën e saj si gazetë”,-shkruan në përgjigjen ndaj Dukës, Kryeredaktori i Gazetës Tema.

Ragimin për poezine e Dukës në Tema mund ta lexoni ketu

Replika në vargje e Dukës

S’e bëj dot pushim,

as këtë të Shtunë,

sepse Mero Bazja,

më ka hapur punë!.

Edhe kundër meje,

dyfekun e nxorri,

u bë sërish Merua

si gjithë soji Morri!

E-mor Mero djali,

o koka pa qime,

je ti që ke ardhur,

në llogoren time!.

Dhe pse ka pickuar,

unë dot nuk e shaj.

një pleshtuc që hidhet,

nga skaji në skaj!

S’ta mohoj talentin,

në demokraci,

po ti je gjithmonë,

një njeri i zi!.

Ti je një minierë,

tamam- o qafir,

sa më thellë të shkosh,

gjen më shumë qymyr!.

Gjen gjithmonë qymyr,

dhe nga më i miri,

ndaj dhe po të them,

o Mero Qymyri!.

Je tamam qymyr,

more pelegrin,

i ndezur-të djeg,

i shuar-të nxin!