Barbarë apo të paaftë!

Nga Adriatik Lapaj –
Si sot 2 vite më parë nisëm me grupin e Nismës së Luleve mbjelljen e 158 pemëve dhe 700 bouganvilleve në qytetin e Sarandës.
Këto 2 vite u kujdesëm me shumë dashuri. I plehëronim, krasisnim dhe kujdeseshim për to. Ishin bërë pemë vërtetë të bukura. Madje vetë Kryetari Bashkisë i postonte thuajse çdo javë në facebook-un e vetë.
1 vit më parë nisën punimet për rehabilitimin e bulevardit. Ne në merak për rreth 70 pemë që i kishim mbjellë në atë pjesë të qytetit ju drejtuam me shkresë Bashkisë Sarandë. Nga bashkia morëm po me shkresë garanci se pemët do të ruheshin.
Sot 2 vite pasi u mbollën e pasi ishin kthyer në bukuri për qytetin rreth 40 pemë janë masakruar barbarisht nga firma që kryen punimet.
Ato pemë ishin mbjellë me kontributet e drejtëpërdrejta të qytetarëve të Sarandës dhe jo vetëm. Çdo pemë kishte 1 emër të personalizuar.
Pse kaq të mallkuar? Pse kaq shpirtvegjël?
E di që do thoni “nuk bëhet”…e di, por unë refuzoj t’i nënshtrohem paaftësisë dhe ligësisë.