Çfarë kuptojmë nga strategjia e PS dhe PD pas hartimit të listave?

Nga Altin Gjeta –
Hartimi i listave të kandidatëve për deputet është një nga komponentët kryesorë të një fushate elektorale fituese, përkrah programit elektoral, modelit të lidershipit dhe kontekstit socio-politik.
Sigurisht, listat janë produkt i kompromiseve politike, kalkulimeve elektorale dhe balanceve politike dhe të pushtetit, shpesh fragjile, brenda një partive politike. Megjithatë, filozofia mbi të cilën ndërtohen listat tregon edhe projeksionin e sjelljes elektorale dhe frymën fituese.
Konkretisht, në hartimin e listave nga PS dhe PD vihen re dy filozofi të ndryshme:
I. PD ka vendosur në krye të çdo qarku lidershipin e vet politik dhe në Tiranë udhëheq vetë Z.Basha. Çfarë demostron kjo? Sipas kësaj strategjia ne kuptojmë se PD shikon përpara si një anije me vela, ndjek modelin e lidershipit pasi ka erën dhe besimin (frymën e mbështetjes popullore) në favor. Kjo e bën listën e PD më konkurruese dhe përçon mesazhin e fitores tek publiku.
II. Përkundrazi, PS ka vendosur ‘peshat e rënda’ në fund të listave dhe vetë kryeministri Rama ka kandiduar i 8-ti në dy qarqe, çka tregon pasigurinë dhe nervozizmin e tij në fushatë. Lista e PS i ngjan një anije që ka ngecur në breg, prandaj i gjithë ekuipazhi bashkë me kapitenin kanë zbritur në tokë për ta shtyrë në detin e trazuar me shpresë se do të niset për diku.