Dedikimi i Erion Braçes për Dritan Hoxhën e Top Channel

Deputeti Erion Braçe ka qenë dje në inaugurimin e godinës së re të televizionit Top Channel ku ka bërë një dedikim për ish-mikun e tij, themeluesin e TCh, Dritan Hoxha.

Braçe shkruan se prej Hoxhës mësoi të dojë televizionin dhe gazetarinë dhe ende sot pyet nëse ëhstë duke bërë punën e duhur, atë të politikanit.

Ja çfarë thotë Braçe:

Kujtoj një mik sot. Prej tij e dua televizionin, gazetarinë në të, atë që më pëlqen mes saj-të vërtetëb si produkt të një pune që e kërkon të vërtetën pa u ndalur.

Të qenit serioz para një kamere, jo veç në përmbajtje por edhe prezencë duke e administruar atë, e fitova pas kritikave të tij.

Sa herë hyj në Top Channel endem në kujtimin e tij: dashuri, pasion, dëshirë, talent, cilësi, mënyrë jetese.

Aq sa trazohem dhe pyes:

A vazhdoj ende të bëj punën e duhur?! Dilemë që buron nga ndjesia e mirë e “ëndrrës së madhe”, një ëndërr aq e madhe sa ndryshoi televizionin, ndryshoi njerëzit, ndryshoi edhe këtë vend-mendojeni vendin para TCH.

Top Channel vijon ta ndjekë ëndrrën e tij, rritet! Ndiqe ëndrrën tënde, buron prej tij.

Tan, sot Top-i fitoi një dimension të ri.

Gëzohu dhe ti!!