Gëzuar Ditëlindjen, Presidenti Obama!

Presidenti i Shteteve të Bashkuara të Amerikës, Barack Obama, mbushi sot 54-vjeç. Ai mori me miliona urime, nga e gjitha bota.

Edhe Ambasada e SHBA-ve në Tiranë postoi një foto të presidentit Barack Obama me urimin “Gëzuar Ditëlindjen, Presidenti Obama!. Urimit të presidentit të SHBA-ve i janë bashkuar me mijëra shqiptarë.

Barack Hussein Obama (i lindur më 4 gusht 1961 në Honolulu, Hawaii) është presidenti i 44-të i Shteteve të Bashkuara të Amerikës. Barack Obama është fitues i Çmimit Nobel për Paqe në vitin 2009 dhe është presidenti i parë afro-amerikan (me ngjyrë).

Më 1996 Obama u zgjodh si deputet i një rrethit të Chicagos në Senatin e Illinois.

Që nga 4 janar 2005 Obama e përfaqësonte shtetin federal të Illinois në Senatin e ShBA-ve.

Në 4 nëntor 2008, Obama u vu kundër John McCain në zgjedhjet presidenciale amerikane. Ai u bë i pari afro-amerikan që kandidoi për zgjedhjet presidenciale në Amerikë. Në fjalimin e tij të fitores, Obama deklaroi: “Ndryshimi po vjen në Amerikë”. Slogani i tij Yes We Can (Po Ne Mundemi) u bë e njohur në të gjithë botën.