Hija e emigranteve, të përjashtuar nga votimi dhe përfaqesimi, do t’ ju ndjek!

Nga Alban Daci –

Këto zgjedhje po mbarojnë, por vazhdoj të vë re të njëjtat problematika me shumicën e kandidatëve për deputet:
1. Politika është mbretëresha e shkencave e kërkon nivel të lartë profesionalizmi. Ndërsa shumica vazhdojnë me amatorizëm!
2. Politika bëhet përmes komunikimit dhe komunikimi cilësor garanton konsensus të garantuar për fitoren. Shumica e kandidatëve kanë mangësi të mëdha komunikuese e po ashtu nuk pranojnë figura profesionale të specializuar në komunikim dhe në marrëdhënie me publikun për t’i këshilluar dhe për tu administruar fushatën
3. Shumica e kandidatëve nuk njohin as forcën e as pasojat e keqmenaxhimit të mjeteve të propagandës ose të komunikimit duke përfshirë edhe fb. Edhe në këto zgjedhje kemi parë shumë amatorizëm e pak profesionalizëm
4. Shumë kandidat për deputet në këto zgjedhje shfaqin doza të larta inferioriteti, shumë pak karizëm, pak profesionalizëm e po ashtu shumë servilizëm përballë Kryetarit
5. Shumë kandidat në këto zgjedhje, jo vetëm nuk e meritojnë të jenë në Parlament, por me siguri nuk e meritonin as të garonin
6. Legjislatura e ardhshme nuk do të ketë ndonjë shkëlqim të madh në krahasim me këtë skandalozen që po mbyllim
7. Tetantivat per prurje të reja e sidomos për të ardhurit nga jashtë është një dështim i madh e po ashtu një gënjeshtër e madhe për të gjitha subjektet politike
8. Përjashtimi i vërtetë i Diasporës nga kandidimi dhe përfaqësimi i mundshëm në Parlament dëshmon qartë inferioritetin që ka klasa politike përballë tyre
9. Politika vazhdon të ketë një qasje armiqësore dhe inferioritet përballë elitave intelektuale e akademike të vendi, që vazhdojnë të përjashtohen padrejtësisht nga jeta e politikës aktive dhe nga nevoja apo dëshira për të përfaqësuar.

Alban Daci