Këto janë historitë e dashurive të presidentëve amerikanë nga shekulli i 18 e deri më sot.

Çifti Washington

Në vitin 1758, Marta Dandridge Kurtis ishte 27 vjeçe dhe së fundmi kishte mbetur e ve, por ajo ishte një grua shumë e pasur. Atë vit, Xhorxh Uashington, gjithashtu 27 vjeç, ishte ndërkohë një kolonel në milicinë e Virxhinias. Ata u takuan në një festë të shoqërisë së lartë dhe shumë shpejt u martuan në janarin e vitit 1759. Ata ishin lumturisht të martuar për 41 vjet. Martesa u mbajt në një plantacion të Martës, të quajtur “Shtëpia e Bardhë”.

Çifti Adams

Luiza Katrin Xhonson lindi në Londër dhe u takua me Xhon Adamsin në shtëpinë e saj në Francë në vitin 1779. Ajo ishte katër vjeçe, ndërsa ai 12 vjeç. Adami po udhëtonte me babanë e tij në një mision diplomatik në Europë. Ata u takuan sërish në vitin 1795 në Londër, kur Xhon ishte një ministër në Holandë. Ata u martuan në vitin 1797 dhe familja e tij nuk e fshehu mospëlqimin për faktin se ajo ishte një e huaj. Ata qenë të martuar derisa Adams vdiq në vitin 1848. Luiza është e vetmja zonjë e parë e lindur jashtë Amerikës në historinë e SHBA-së.

Çifti Buchanan

Në verën e vitit 1819, Xhejms Bjukenën, 28 vjeç, u fejua me Ana Kolman, 23 vjeçe, vajza e një manjati të pasur hekuri në Pensilvani. Ai kaloi pak kohë me të në muajt e parë të fejesës prej ngarkesës që kishte në zyrën e tij ligjore. Sipas thashethemeve, Xhejms dilte me femra të tjera dhe po martohej me Anën vetëm për paratë e të atit. Ana, duke dëgjuar këto fjalë, i shkroi një letër ku i tha se fejesa e tyre prishet dhe më pas vdiq nga ajo që dyshohet si vetëvrasje. Xhejms u betua se nuk do të martohej më kurrë pas kësaj dhe ai mbetet presidenti i vetëm beqar i SHBA-së.

Çifti Truman

Në vitin 1890, kur ata ishin të dy të vegjël, Herri Truman u njoh me Bes Uollas në një kishë në Mizuri. Ata merrnin të dy pjesë në shkollën e së dielës, ishin përkatësisht gjashtë dhe pesë vjeç. Truman më vonë shkroi për takimin e tyre të parë: “Ne kishim disa të njohur të përbashkët, por sytë e mi kishin mbetur te një vajzë me flokë të arta me onde dhe sytë blu, më të bukurit që kam parë ndonjëherë”. Bes dhe Herri u martuan në vitin 1919.

Çifti Nixon

Telma “Pat” Rian u diplomua nga Universiteti i Kalifornisë Jugore në vitin 1937 në moshën 25-vjeçare. Ajo gjeti punë si mësuese gjimnazi në një qytet të vogël jo larg Los Anxhelosit dhe u bë anëtare e një grupi teatror amator.

Në vitin 1938, Riçard Nikson, një avokat 26-vjeçar që sapo kishte hapur firmën e tij, iu bashkua grupit teatror që ta ndihmonte me aftësitë në sallën e gjyqit. Ai aktroi me të. Në takimin e parë i kërkoi që të martoheshin. Ata u martuan tre vjet më vonë.

Çifti Reagan

Ronald Regan shkroi në biografinë e tij se ai u njoh me Nensi Devis kur ajo i shkoi që ta ndihmonte ndërsa ai drejtonte një kompani aktorësh. Ajo nuk mund të gjente një vend pune, sepse një tjetër Nensi kishte emrin në listën e zezë të Hollivudit. Megjithatë, studiuesit thanë se emri i saj u shfaq në listë një vit pasi ata u martuan. Si u njohën pra? Biografia e tyre thotë se në vitin 1949, Nensi i tha një mikut të Reganit se donte ta takonte atë. Miku i ftoi të dy në një festë të vogël në mbrëmje dhe pjesa tjetër është histori.

Çifti Bush

Në vitin 1975, Xhorxh Bush kthehet në Midland dhe atje takohet me miqtë e tij të fëmijërisë, të cilët kishin si shoqe Luaran Uelç. Ata e ngacmuan Laurën të dilte me Xhorxhin, por ajo refuzoi. Më vonë ajo tha se miqtë ishin përpjekur t’i bënin çift, sepse ata ishin të vetmit persona beqarë në Midland, shkruan Shqip. Në fund ajo ra dakord ta takonte atë në një festë barbekjuje në vitin 1977, kur ajo ishte 30 dhe ai 31 vjeç. Ata u martuan tre muaj më vonë.

Çifti Obama

Në vitin 1989, Mishel Robinson punonte në një firmë ligjore në Çikago kur u caktua si mentore e një partneri nga Harvardi të quajtur Barak Obama. Jo shumë vonë, Barak, atëherë 27 vjeç, i kërkoi Mishelit, 25 vjeçe, të dilnin bashkë. Pas disa muajsh të lidhur ajo i sugjeroi që të martoheshin. Ai nuk ishte i interesuar. Një natë në vitin 1991, gjatë një darke në një restorant në Çikago, ajo ia përmendi përsëri. Ai e refuzoi sërish. Kur i shërbyen ëmbëlsirat, brenda tyre kishte një unazë fejese. Ata u martuan në vitin 1992.