ISIS publikon fotot e shkatërrimit të qytetit 2000 vjeçar (Foto)

Foto të reja që janë bërë publike nga Shteti Islamik tregojnë shkatërrimin e tempullit 2 mijë vjeçar në qytetin Palmira të Sirisë.Vetëm një hark i tempullit të lashtë në Bel qëndron ende pas plasjes së eksplozivëve që vunë terroristët dhe e rrafshuan atë.Fotografitë e publikuara në revistën e grupit terrorist, janë të parat që tregojnë pasojat e prishjes.

ISIS, që ka shkatërruar tashmë shumë vende antike në Irak, pushtoi qytetin në maj të këtij viti dhe muajin e kaluar vranë edhe arkeologun Khaled Assad, 82 vjeç.

Terroristët gjithashtu vazhduan me shkatërrimin e tempullit Baalshamin dhe hodhën në erë Tempullin më të madh në Bel në fund të gushtit.E gjithë Palmira, përfshirë 4 varret që ndodheshin jashtë mureve të qytetit antik, janë listuar si trashëgimi botërore nga UNESCO që prej vitit 1980.